Zjwaorbewaopende militair oppe vlöch inne Belsje grenssjtreek

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich

Dit artikel is gesjreve in 't AGL.

Speciaal einhede vanne Belsje pelissie zeuke saer dinsdigaovend inne Dilser Bösje, net euver de grens bie Dilse-Sjtokkem, nao 'ne zjwaorbewaopenden beroopsmilitair oet det dörp.

De 46-jäörige Jurgen C. sjloog ieder daen daag oppe vlöch wie de pelissie 'm wool oppake in Leopoldsbörg. De pelissie sjloog groet alarm ómdet de manskaerel besjik euver 'ne raketwerper en e mesjiengeweer én dreigde mit gewèldj. Ouch de collega's in Nederlands Limburg woorte ingeseind.

'nen Auto woort daen aovend róndj 18:00 oer truukgevónje bie de Dilser Bösje. Wiewaal de nömmerplate eweggehaold waore, geit de pelissie d'rvan oet det 't de Audi is vanne verdachte. Speciaal einhede keime 't bösjgebeed oet. Daobie woorte gepantserde veurtuger ingezat. Ouch specialiste van 't leger sjtaon klaor veur explosieve ónsjajelik te make. De bevolking woort opgerope binnenshoes te blieve. Veur zoewied bekindj haet de zeuktoch róndj 23:00 oer nog neets opgelieverd en waor Jurgen C. nog ömmer sjpaorloos. Ouch goonsdigmörge waor hae nog neet gevónje.

De verdachte had ierder dizze maondj al in Leopoldsbörg veur opsjödding gezörg en e waor daobie in bezit van e vuurwaope. Doe wis hae aan agente te óntsjnappe. Dinsdig kreeg de pelissie 'm opnuuj in 't vizeer in Leopoldsbörg woenao 'n achtervolging óntsjtóng mit teentalle agente en 'nen helikopter.

De militair sjteit al maonde op de zoegeheite Ocad-lies. Det is 'n databank die oets veur Syriësjtriejers in 't laeve woort gerope, mer noe extremiste van alle sjtrekkinge bevat. D'n beroopsmilitair koom op die lies ómdet hae virologe, ónger waem Marc van Ranst, mit d'n doed bereigde. Saer maondig haet de man de sjtatus niveau 4. Det beteikent det de veiligheidsdeenste d'rvan oetgaon det 't ernstige, concrete aanwiezinge gief det de manskaerel 'nen aansjlaag wilt plaege.

Brónne

Dit artikel besleit aad nuujs en maak deil oet van oos arsjief van nuujsberichte.