Zuud-Korea: nucleair teslokasie Punggye-ri in mei gesjlaote
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
- Dit artikel sjteit gesjreve in 't AGL
.jpg)
1 mei 2018 - 't Kaernwaopetesgebeed Punggye-ri van Naord-Korea zal de volgende maondj in 't aopebaar waere gesjlaote, in de aanwaezigheid van boetelandjse ikspaers. Yoon Young-chan, waordveurder names de Zuud-Koreaanse prizzedent Moon Jae-in, haet dit bekèndjgemaak. De Zuud-Koreaanse prizzedent brach op zien beurt de boeadsjap euver names Kim Jong-un, de leijer van Naord-Korea.
D'r liek dudelik sjpraoke te zeen van mier genieking tösje de twie Korea's. De leijers van bei lenj hadde aafgeloupe vriedaag veur 't iers in tien jaor 'n tóptreffe woebie ze aafsjproke de óngerling kóntakte te verbaetere. Daobie besjlote ze toe te wirke nao 'n blievende vraejeseuvereinkómme, as vervanging van de waopesjtèlsjtandj oet 1953 (woemit 'n ènj kwaam aan de Koreaanse Aorlog). Formeel zeen de lenj saerdeen altied in aorlog gebleve. Ouch sjproke de leijers aaf det 't tót 'n volsjtendige denuclearisering van 't Koreaanse sjiereilandj mót kómme.
Brónne
bewirk- Noord-Korea zal nucleaire testlocatie in mei sluiten. nu.nl, 29 april 2018
- North Korea Vows to Shut Down Nuclear Test Site, Seoul Says. The Wall Street Journal, 29 april 2018
- Korea’s nu op weg naar vrede. Garrie van Pinxteren - NRC Handelsblad, 28 april 2018
Dit artikel besleit aad nuujs en maak deil oet van oos arsjief van nuujsberichte.