Zuyderland-krankehoes heröapent corona-aafdeling
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
Heële - d'r 27 oktober 2021, 't Zuyderland-krankehoes va Heële geet de corona-aafdeling heröapene. D'r goonsdig weëde 14 patiënte ópgenoame op die aafdeling. De covid-aafdeling woeëd haof juni gesjlote wie 't aantal coronapatiënte in de krankehoezer aafnoom. Zuyderland hat dinsdig de covid-aafdeling wer gebroeksveëdig gemaak. 't Krankehoes zuut 'n sjtieging in 't aantal besjmettinge en óch in 't aantal patiënte dat weëd ópgenoame in alle Nederlandse krankehoezer. Óch in Limburg lupt 't aantal coronapatiënte in de krankehoezer óp.
Oet siefere van 't RIVM bliek dat de provincie Limburg 't hoeëgste aantal besjmettinge kint va Nederland. De aafgelope zieëve daag woeëde 4.000 coronabesjmettinge vasgesjteld, dewiel dat de vuurbeie weëk nog zo'n 2.450 woare en twieë weëke trük góng 't nog um 852 besjmettinge. 't Mieëtste aantal besjmettinge koame bei in Venlo (339). Doanoa volge Zitterd-Geleën (317) en Heële (313). Gennep is rilletief gezieë wer 't hels getroffe. Momenteel ligke zo'n 70 coronapatiënte in de Limburgse krankehoezer, oeë-va 26 op de IC.
Zo'n 80% van de Limburgesj is völlig gevaccineerd. Dat is óngevier eëvevöal wie 't landelike gemiddelde (83,8%). In Heële ligk dat aantal get lieëger. Hei hat 74% van de volwassene d'r ieësjte en d'r twieëde prik gehad. Óch in anger gemindes va g'n Parksjtad is dat percentage lieëger.
Brónne
bewirk- L1mburg Centraal: Zuyderland heropent covid-afdeling in Heerlen. Umroop L1 - d'r 27e oktober 2021
- De actuele situatie in Nederland. Rieksuëverheed, Coronadashboard
- Limburg wederom koploper coronabesmettingen. Joost Schreurs - 1limburg, d'r 26e oktober 2021
Dit artikel besleit aad nuujs en maak deil oet van oos arsjief van nuujsberichte.