Jürgen Conings doed gevónje in Dilserbós kórtbie Sjtokkem
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
.jpg)
- Dit artikel sjteit gesjreve in 't AGL.
't Liek van Jürgen Conings is in 't Dilserbós bie Sjtokkem, vlak euver de grens bie Sjtein, gevónje. Det meld 't fidderaal parket, 't Belsj Aopebaar Ministerie.
Het Belang van Limburg meldde zóndigmiddig det börgemeister Johan Tollenaere van Mezeik 't liek van Conings had gevónje. Tiedes 't mountainbike rook hae 'n penetrante liekgeur. Hae goof de coördinate door, woe-op 't óngerzeuk woort gesjtart. 't Fidderaal parket meldde ierder al det de gevónje manskaerel zichzelf haet doedgesjaote. Oet óngerzeuk bliek inderdaad det det waor is.
De militair oet Dilse-Sjtokkem, vlak euvere grens bie Beeg (Grevenbricht), sjtool veurige maondj zjwaor wapes oete kazerne van Leopoldsbörg. Zoe noom hae ónger anger anti-tank raketwèrpers, automatische wapes en munitie mit. Conings zouw, wie v'r weite, 't gemuntj höbbe oppen Belsje viroloog Marc Van Ranst.
Recentelik is in 't Dilserbós ouch de rökzak vanne militair gevónje gewaore. Hie zoot munitie en medicatie veur psychoses in. De aafgeloupe waeke höbbe de Belsje autoriteite nao de militair gezóch in Nationaal Park de Hoege Kempe, kórtbie de Nederlands-Belsje grens. 't Natuurgebeed is twie kier ierder oetgekeimp gewaore, mer doe kós me dao niks vinje. Forensisch óngerzeuk haet oetgeweze det de manskaerel zich ein tot veer waeke geleje van 't laeve haet berouf.
Viroloog Marc van Ranst verbleef vanwaege de bedreiginge aan zien adres al waeke örges angers. De viroloog leet aan Belsje media weite opgelöch te zeen wie bleek det 't gevónje liek van Conings is. Ouch zag e det zeen gedachtes oetgaon nao de naobestaonde. "Veur eur is dit biezónger sjpietig nuuts, want zie verlere 'ne vajer, e familielid of 'ne vrundj", alduss Van Ranst op Twitter.
De familie vanne militair haet zóndigaovendj óm 20.00 oer 'n wake gehaje bie 't gemeintehoes van Dilse-Sjtokkem.
Kiek ouch
bewirkBrónne
bewirk- Lichaam Jürgen Conings gevonden vlakbij grens Stein. Job Tiems - 1limburg, 20 juni 2021
- Parket bevestigt: lichaam was van Conings, hij heeft zich van het leven beroofd. Het Belang van Limburg, 21 juni 2021
- Waarom werd Jürgen Conings nu pas gevonden? »Als een korrel rijst zoeken op 20 voetbalvelden met hoog gras«. Stefan Grommen, 21 juni 2021
Dit artikel besleit aad nuujs en maak deil oet van oos arsjief van nuujsberichte.